Hustisya

ni: Jansen Estilon

Ako'y musmos pa lamang ng aking masaksihan

Ang pag aaway na humahantung na sa patayan

Ng dahil sa silang dalawa ay may alitan 

Isang buhay ng tao ang kanyang winakasan

Ako'y kinakabahan at napa iyak na lamang

At naisip ko na sana'y panaginip nalang

Dahil ako'y naawa sa taong pinaslang

Dahil baka mangyari ito sa aking magulang

Sigaw ng pamilya "hustisya ay nasaan"?

Sagot ng polis ay agad itong aaksyonan

Lumipas ang oras panahon ay nagdaan

Hustisya ay tuluyan na ngang tinalikuran

Porket ba mahirap lang ay wala  ng karapatan

Na ipaglaban ang kanilang pangangatwiran

Upang ang katarungan ay kanilang makamtan

Subalit hindi pa nila muling naranasan

Kahit ako'y bata ay aking nakikita

Ang mga bulok na sistema ng ating bansa

Kahit sa mahihirap ay pinatatamasa

Sana naman maging patas na tayo sa kapwa

Kapaligiran Sa Mundo ng Kalapastanganan

Ni : Mitch Rabino

Sa pagmulat ko ng aking mga mata

Kapaligiran ang tanging naipinta 

Hinahangaan at kahali-halina

Hinahanap, kinagisnan kong kayganda

Puso'y dinudurog at hindi malaman 

Tulad ng bula, nalaho nalang bigla

Kapaligiran na s'yang tinatamasa

Nasaan na? Maibabalik pa kaya?

Walang sawang pagtatapon ng basura 

Dahilan upang lahat ay magbago na

Mga punong dati ay hitik sa bunga 

Kaawa-awang pinutol, nangawala 

Mga basurang ikinalat sa dagat 

Pininsala mga yaman nating dagat

Di man lang inisip, di man lang nag-ingat

Maaaring bawiin sa atin ang lahat

Sa paglapastangan ng kapaligiran 

Hatid sa bawat isa ay kapaitan

Kadiliman ng mundo'y mararanasan

Halina't ingatan, inang kalikasan

Kabataang Nawala sa Landas

( Cherrylyn Brabante )

Kabataang nahilig sa saya

Puro alak, sigarilyo, droga

Ang laging hinahawakan nila,

Mga siraulo pa ang iba

Kabataan laman ng inumang

Sila ay patulog-tulog lamang

Mga katanungan ng magulang

Ay, nasasagot na ng pabalang 

Kabataang nalolong sa droga 

Ay nakagagawa ng masama

Na nagdudulot ng dugong luha

Sa pamilya ng namayapa na

Kabataang away ang inuna

Imbis pag-aaral ang ipuna

Magulang ay napapahiya

Dahil sa kalokohang nagawa 

Mga kalapating kabataan

At nawal man sa katinuan

Ay huwag naman nating husgahan

Pagbago kanilang karapatan

KAHIRAPAN
ni: Zarvien Ish Songcuya

Ang kahirapan ay parte ng ating pamumuhay, 
Minsa'y masaya at minsa'y walang kulay, 
Parang luha na hindi maintindihan,
O dikaya'y nalalagas na halaman .

Mahirap talaga kapag mahirap ka, 
Puso mo parang dinurog na paminta, 
Dumapong katas ng sibuyas at paminta, 
Sa hapdi talagang maluluha ka. 

Mahabang panahon kinakailangan, 
Upang malampasan natin ang kahirapan, 
Matang nakadilat parang nakapikit, 
Kung ngumiti man ay halata mo'y pilit. 

Ang kahirapan ay isang pagsubok lamang, 
Ngumiti kahit na hirap na hirap lamang, 
Kahirapan ay parang hagdan sa buhay, 
Humakbang ka upang malaya sa buhay. 

Kaya tayo'y mga kabataan magsikap, 
Para ati't maabot ang mga pangarap, 
Upang masolusyunan ang kahirapan, 
Para sa ating bansang sinilangan.